Ek Shaam Aayegi

Jab kabhi umeed ki roshni se door sannate ke andhere mei khoya hoga tu 
ek shaam aayegi
tere har gam ka hisaab liye... 
bachpan ki har faryad liye khoyi mohabbat ki yaad liye 
tere toote sapno ki raakh liye 
vo shaam aayegi
tere har gam ka hisaab liye 

vo naainsaafi kahegi isse zindagi ki ya manmaani us khuda ki,
tu bebas uski har baat maan lega usse apna humdard jaan lega 
apne toote dil se tu ek baar fir uska haath thaam lega
aur hamesha ki tarah dhalte sooraj ke saath 
tu ek gehri saans lega.